En so breek die einde van die kwartaal aan. Baie dankie aan elkeen wat ons skool op sy/haar hart dra en ons ondersteun. Baie geluk aan ons top-5 leerders! U kan 'n pdf-lêer van die uitslae hier aflaai. Die matriekklas het besonders goed presteer en 29 vakonderskeidings (>=80%) is behaal. Saam met u kind se rapport ontvang u die gebruiklike kwartaalbrief. Die buitemuurse rooster verskyn oudergewoonte op die brief - u kan 'n elektroniese kopie hier aflaai. Die skool begin volgende kwartaal op 18 April om 08:00.
Ons neem vandag afskeid van mev Olivier asook mej Jackson. Juffrou Olivier tree af en mej Jackson gaan haar loopbaan elders voortsit. Die familie gaan julle baie mis!
Mag u en u kind(ers) 'n aangename vakansie beleef. God seën u. Ons gesels volgende kwartaal.
Mag die volgende teksvers vertroosting bring: Ek is tot alles in staat deur Hom wat my krag gee. - Filippense 4:13
Twee SAPD-lede van Ladi-smith, AO Cederas en Konst. Salmon, het die graad 1 tot 8 leerders vanoggend toege-spreek. Die onderwerp: boelies. Die letsels wat boelies hul slagoffers toedien, is verál bespreek. Voorbeelde van verskillende boelies is genoem. Die leerders is die kans gegun om sélf oplossings vir boelie-gedrag te gee.
'n Kompetisie, waar leerders 'n opstel oor boelies moet skryf, is voorts geloods. Leerders kan hul inskrywings by Spar inhandig. Die wenner sal binnekort bekend gemaak word. Natuurlik is daar pryse op die spel...
HIermee ons opregte dank aan die twee geregsdienaars wat hul tyd opgeoffer het. Dankie vir u eerlikheid asook empatie wat u teenoor ons leeders openbaar.
Geplaas op 27 Maart 2017, 8:47
 |
FEDSAS Leerderberaad Op Saterdag, 25 Maart, het Aldricht Makriga (VRL-Voorsitter) en Jodene Willemse (VRL-Ondervoorsitter) die FEDSAS leerderberaad in Oudtshoorn bygewoon. FEDSAS = Federasie vir Beheerliggame van Suid-Afrikaanse Skole. Die fokus van die beraad was veral op die rol van die VRL op 'n beheerliggaam. Ongeveer 14 skole het die geleentheid bygewoon. Die verrigtinge is deur die burgemeester van Oudtshoorn, mnr Colyn Sylvester, geopen. |
|||
| Jodene Willemse & Aldricht Makriga | ||||
| Leierskapseienskappe is op praktiese wyses geïllustreer en leerders is geleenthede gebied om aktief deel te neem en opinies te lug. Hiermee bedank ons FEDSAS vir 'n puik georganiseerde, insiggewende oggend! Die ete was ook glad nie te versmaai nie... | ||||
 |
Tuberkulose is 'n uiters aansteeklike bakteriële siekte wat tot die dood kan lei. Daar is tans 'n inisiatief om leerders aan in-diepte inligting rakende die siekte bloot te stel aangesien TB-pasiënte tans styg.
Vier spanne van HSL het op 17 Maart aan 'n vasvrakompetisie oor TB deel-geneem. Personeel van die Allan Blyth hospitaal het die verrigtinge bestuur en die vrae gevra. |
|||
| Charna, Juné, Kimberley en Mario met hul pryse | ||||
| Die graad 11-span, Charna Matthyssen, Juné Griffin, Kimberley Blignaut en Mario Huisamen, het die uitdunne gewen en hiermee vir die finaal op 24 Maart op Calitzdorp gekwalifiseer. Dit is aangenaam om te rapporteer dat hulle as die algehele wenners gekroon is. Welgedaan, ouens! Baie dankie aan mej de Villiers en mnr Dekker wat instrumenteel in die reëlings asook voorbereiding van die leerders was. | ||||
 |
Suid-Afrikaanse Junior Atletiek-kampioenskappe Welkom terug aan ons prag-atleet, Riancke Slump! Sy het die afgelope naweek aan die Suid-Afrikaanse Junior kampioenskappe in Potchefstroom deelgeneem. Riancke het 'n algehele vyfde plek in haar gunsteling item, gewig-stoot, met 'n afstand van 11.29m behaal. |
|||
| Ons is saam haar ouers en afrigter, mnr Stephanus Kotzé, besonder trots op haar. Riancke se voete is plat op die aarde en haar nederigheid is tasbaar. Dankie vir die wyse waarop jy jouself handhaaf - jy is 'n ambassadeur vir ons skool en leuse. | ||||
Geagte ouers
Soos u weet, ervaar die Wes-Kaap tans een van die ergste droogtes in ons onlangse geskiedenis. Alhoewel ons Maandag goeie reën gekry het, is die krisis nog nie verby nie.
Juffrou Linda Radyn se graad 5 klas het inisiatief geneem en die volgende projek geloods: elke kind bring daagliks hul huis se
Die Cape Argus het 'n liedjie versprei wat presies 2:30 lank is. Hiermee wil hul mense aanspoor om slegs 2mins 30s lank te stort. Waarom probeer ons dit nie? Kliek hier vir die link na die youtube-video. En onthou: tel elke druppel, want elke druppel tel!
Hiermee baie geluk aan Gabbi Pheiffer (5de, 100m) en Patricia Farao (9de, 100m) met hul prestasies tydens die Wes-Kaap kampioenskappe! Heelwat reëlings het hul deelname moontlik gemaak en hiermee 'n GROOT dankie aan mnr Jannie Nel, die voorsitter van Eden-Atletiek. |
|||||
 |
 |
||||
| Gabbi | Patricia | ||||
| Ons gaan binnekort met 'n argief begin. Hierdeur sal u toegang na vorige plasings verkry. Aan die einde van 'n akademiese jaar sal alle berigte onder daardie spesifieke jaar geplaas word. | |||||
Belangrike kennisgewing - Tussenverkiesing
Ons herinner u graag aan die jaarlikse tussenverkiesing vir diens op die Beheer-liggaam. Dit vind vanaand in die skoolsaal plaas. Ons MOET 70 ouers wees vir 'n kworum. Indien u uself vir verkiesing wil beskikbaar stel, meld gerus aan. Ons wil graag stiptelik om 18:00 begin.
Geagte ouers
Die toetsreeks begin vandag. Al agt periodes word gevolg waarna die toetse vanaf 11:45 tot 13:30 geskryf word. U kind moet asseblief steeds teen 7am by die skool aanmeld. Voorts het elke leerder die rooster 'n geruime tyd gelede reeds ontvang. Ons herinner u voorts daaraan dat alle buitemuurse aktiwiteite tydens die toetsreeks gestaak word - die fokus is dus voluit op akademie. Die Senior- en VOO-fase se rooster is hier beskikbaar (*.pdf-lêer, 96KB).
Ons wil graag ons gelukwensinge aan ons O-11 en O-12 krieketspan oordra. Hulle het hul wedstryd van verlede Donderdag, 9 Maart, teen EK Primêr met vyf paaltjies gewen. Welgedaan!
Geluk aan Riancke Slump wat 'n vierde plek in gewigstoot en 'n sewende plek in diskus tydens die Wes-Kaap Laerskole Atletiekbyeenkoms behaal het. Sy kwalifiseer hiermee vir die SA's. Pragtig!!
Ons wens twee HSL-atlete, Gabbi Pheiffer en Patricia Farao, sterkte toe met hul deelname aan die Wes-Kaap Hoërskole Atletiekbyeenkoms hierdie komende naweek. Hul vertrek reeds Donderdag vanaf Riversdal na die Paarl.
Ons waarde vir die week is nederigheid. Mnr Jacques le Roux het die waarde op 'n pragtige wyse tydens Maandag se saalbyeenkoms geïllustreer. Met voete plat op die aarde kan die hoogste hoogtes bereik word.
Mag u 'n aangename week beleef!
HSL
Twee belangrike kennisgewings:
- Die SASSA-briefies MOET môre (7 Maart) ingedien word.
- Ons speel komende Donderdag, 9 Maart, teen EK Primêr krieket. TUIS.
Bring 'n vleisie, rooster en tang en kom braai vir en u gesin. Ons sien daarna uit om saam met u te kuier, te gesels en te lag! Onthou: 4pm! Eie rooster, tang & vleis!